Wafdi ka socday Hay’addo Caalami ah oo gaaray Gedo iyo ujeedka safarkooda

Wefdi ka socda hay’addo Caalami ah, oo u kuur galayey xaaladda abaarta, ayaa gaarey magaalada Dooloow ee gobolka Gedo ee Koonfurta dalka Soomaaliya.

Ujeedada safarkooda ayaa lagu sheegaa iney qiimeyn ku sameynayaan, inta ay la’eg tahay dhibaatada abaarta ee ka jirta deegaankaasi oo saameyn xoog leh ku yeelatay dadka iyo duunyada.

Gobolka Gedo, ayaa kamid ah goobaha ay sida weyn u saameysay abaarta ka dhalatey roob la’aanta.

Guddoomiyaha degmada Dooloow Maxamed Xuseen Cabdi Lafeey oo la hadlay BBC-da ayaa u sheegay in hey’addahani ay kasoo jawaabeen qeylo dhaan uu maamulku u direy.

Guddoomiye Maxamed Xuseen Cabdi ayaa intaa ku darey in qiimeyn xaalad kadib, ay hay’aduhu balan qaadeen iney lasoo gaaraan dadka iyo duunyada ku nool gobolka Gedo baad iyo biyaba.

Hey’addaha ayaa isugu jira kuwo Yurubiyaana, iyo kuwa kale oo ka socdey Qaramada Midoobay, Gobolka Gedo ee Jubbaland ayaa degaano badan oo ka tirsan Gobolkaas waxaa ka jiro abaaro iyo biyo la’aan baahsan, iyada oo noloshada ku adkaatay dadka.