Soomaali tiro badan oo ku sumowday hilib ay cuneen

Mas’uuliyiinta dowlad deegaanka Soomaalida Itoobiya, ayaa sheegay iney baarayaan waxa sababey in dad reer miyi ah, ay ku sumoobaan hilibka neef Geela, deegaan hoos taga degmada Awaare ee gobolka Jarar.

Guddoomiyaha gobolka Jarar ee dowlad deegaanka Soomaalida Itoobiya, Axmed Xuseen Bidhic, ayaa carabka ku dhuftey in dhammaan dadkii cuney hilibka laga qabtey caloosha, oo si deg deg ahna loogula cararey isbitaal.

Dadka ku sumoobey hilibka, ayaa waxaa lagu qiyaasayaa iney gaarayaan illaa iyo 30 qof, iyagoo lagula tacaalayo isbitaal ku yaalla degmada Awaare.

Ruux haweeney ah oo kamid ah dadka ku sumoobey hilibka neefka Geela, ayaa markii danbe ku dhimatey isbitaalka Awaare.

Dadka la dhigey isbitaalka ayaa la sheegay iney wajaheen xanuuno kala duwan, sida Matag, Shuban, Qandho iyo kuwa kale.