Shil mar kale Maanta ka dhacay Mudug iyo khasaaro ka dhashay

Wararka aan ka heleyno Gobolka Mudug ee Maamulka Galmudug ayaa sheegaya in mar kale Maanta deegaan ka tirsan Gobolkaas uu ka dhacay shil gaari oo geystay khasaaro kala duwan.

Shilkaas ayaa waxaa uu ka dambeeyay, kadib markii ay isku dhaceen laba gaari oo nooca raaxada ah, xili ay socdaal ku marayeen halka loo yaqaano Indho-qaris oo u dhow deegaanka lagu magacaabo deeganka Docol ee Mudug.

Dadka deegaanka oo ku warramay in shilkaas uu ka dhashay khasaaro dhaawacyo, ah  waxaana dadkii ku dhaawacmay labada gaari loo kala qaaday Xarumo Caafimaad oo ku yaalla Magaalada Gaalkacyo.

Baqranimadii Maanta ayay aheyd markii shil gaari uu ka dhacay inta u dhexeeysa Deegaanada ceel-guula iyo Afgaduudle ee Gobolka Mudug, isla markaana ku dhaawacmay laba ruux.

Sawirro laga soo qaaday goobta uu shilka ka dhacay ayaa muujinayay in gaariga Biijiiga ahaa uu siday Shamiindo farabadan iyo qalab kale, isla markaana uu ku socday xawaare sare, uuna markii dambe ka baxay wadada, kadibna uu ku gadoomay laamiga dhinaciisa.

Shilala kala duwan oo geystay khasaaro isugu jira dhimasho iyo dhaawac ayaa horey uga dhacay deegaano ka tirsan Gobolka Mudug, waxaana shilalkaas inta badan loo sababeeyay Darawada oo si taxadar ah aan u wadin gaadiidka iyo wadada oo burbursan.