Magaalada Nairobi caasimadda dalka Kenya ayaa lagu soo waramayaa in uu ku geeriyooday Sheekh Soomaali ah oo can ka ahaa Xaafadda Soomaalidu ku badantahag ee Islii.
Allaha u Naxariistee Sheekhaan ayaa lagu magacaabi jiray Cabdullaahi Yuusuf oo uu ka mid ahaa culumaa’uudiinka aadka looga yaqaano xaafadaas iyada oo maalmihii lasoo dhaafay uu xanuunsanayay caabuqa Corona kuna geeriyooday Isbitaal ku yaalla Nairobi.
Waa qofkii labaad oo Soomaali ah isla markaana Kenya ugu geeriyooday xanuunka Adduunka dhibaatada ku haya ee Corona,iyada oo ganacsada Soomaali ah uu ka horeeyay Sheekhaaan Shalay ku geeriyooday Nairobi.
