Madaxweynaha Maamul Goboleedka Galmudug Axmed Cabdi Kaariye Qoorqoor ayaa ka hadlay dagaaladii maal mahaan ka socday Gobolka Galgaduud iyo xaalaadaha guud ee Gobolkaasi.
Qoorqoor ayaa sheegay in maamul ahaan ay kaga xun yihiin dagaalkaasi, waxaana maamulka Ahlu-Sunna ayuu sheegayn in weerar kusoo qaadeen dadka degaanka, ayna dhibatada mas’ulka yihiin.
Waxaa uu sheegay in Maamulkiisa uu guddi u saari doono sidii dadka dhibaatadu gaartay loogu gurman lahaa, maaddaama ay soo food saartay xaalad nololeed oo aad u liidata, waxaana baaq u diray hay’adaha gar-gaarka iyo Dowladda dhexe.
Xubno ka mid ah Galaha Wasiirada Dowlad Goboleedka Galmudug iyo maamulka Degmada Guriceel ayuu sheegay qoorqoor in ay u xil saarayaan dadka dhibaatadu gaartay ee magaalada ka baxay, dhammaan xaaladaha bani’aadanimo ee ka taagan Gobolka ee dagaaladu sababeen.
Madaxweynaha Maamulka Galmudug Axmed Cabdi Kaariye Qoorqoor oo sii hadlayay ayaa sheegay in Mowqifka Galmudug uu yahay in Ahlu-sunna ay ka hor tagaan, waxaana uu carrabka ku dhuftay in Gobolkaasi uu ka arrimin karo oo kaliya maamulka galmudug.
Siyaasiyiin iyo dhinacyo shisheeeye ayuu sheegay in dagaalka ay ku lugleeyihiin dagaalka, iyagoo hurinaya dagaalka.
