Midawga Musharixiinta Madaxweynaha Soomaaliya ayaa Magacaabay Saraakiil Ciidan oo ilaalin doona Aminiga Musharixiinta Muacaaradka ah ee u taagan qabashada Xilka Madaxweynaha, waxaana Magacaabistaani ay ka dambeysay kadib markii Midowga Musharaxinta ay Muqdisho shir ku yeesheen.
Warar hoose ayaa sheegaya in Sarakiisha la magacaabay ay ku jiraan Saraakiil kala duwan oo horay qaarkood qayb kaga ahaan jiray Ciidanka Millatariga Soomaaliya, waxaana ka mid ah Saraakiisha Genaral Yuusuf Maxamed Siyaad Indhacadde iyo Maxamuud Macali koronta, iyadoo ay jiraan Saraakiil kale oo aan ilaa hadda la sheegin, kuwaasi oo dhanka ammaanka u qaabilsana doona Midowga musharixiinta.
Midowga Musharixiinta ayaa muqdisho waxaa ay ku leeyihiijn Shirar aan loo kala kicin oo ay kaga hadlayaan arrimaha doorashooyinka, waxaana horay muqdisho ay ugu yeesheen Shirweyne ay kasoo saareen War-murtiyeed dhinacyo badan taabanayay.
Musharixiintu waxaa ay si weyn kaga hor yimaaden Guddiga doorashooyinka oo ay sheegeen in ay ku jiraan Xubno ka tirsan Xafiisyada dowladda iyo Hay’adda NISA, waxaan Dowladda Soomaaliya aysan ilaa hadda waxba ka beddalin guddiga oo cabasho laga muujiyay, iyadoo bogaadin iyo dhiirragalin u sameysay guddiga la magacaabay ee doorashada ka shaqayn doona.
