Musharaxiinta u tartamaysa kuraasta Xildhibaanada iyo Senatarada gobolada Waqooyi ayaa taageeray shaqada guddiga doorashada ee uu magacaabay Ra’iisal wasaare Rooble,Musharaxiinta oo kulan ku yeeshay Magaalada Muqdisho ayaa bogaadiyay doorka hoggaamineed ee Ra’iisal Wasaare Maxamed Xuseen Rooble.
Sidoo kale waxay dalbadeen in la bilaabo doorashada Aqalka Sare iyo mida Golaha Shacabka ee gobolada Waqooyi, iyagoo cadeeyay inay diyaar u yihiin inay tartanka doorashada ka qeyb galaan,iyagoo codsaday inaan doorashada loo curyaamin shikhsiyaad qaswadayaal ah oo tiro yar.
Kulanka Musharaxiinta Xildhibaanada iyo Senatarada gobolada Waqooyi waxaa goobjoog ka ahaa Siyaasiyiin, Odoyaal dhaqan, dhalinyaro, Haween iyo qeybaha kala duwan ee bulshada gobolada Waqooyi
Todobaadkii ina dhaafay ayaa 40 xildhibaan oo ka soo jeeda Gobolada Woqooyi Somaliland sidoo kale taageereen dedaalka Raisal Wasaaraha ee hirgelinta doorashada qaranka.
Waxa xusid mudan xubnahan Taageeray RW Rooble inay Hoggaaminayeen musharaxiin ka tirsan Garabkii Guddoomiyihii hore Aqalka sare Cabdi Xaashi.
