Wasaaradda Caafimaadka Somaliland ayaa Manata oo Tallaado shaacisay inay diiwaan-gelisay Dad Cusub oo laga helay Cudurka halista ah ee Coronavirus, iyadoona uu Cudurka u muuqdo mid kusii faafaya degaanada Maamulkaas.
Warbixinta maalin la’ah oo ay soo saartay Wasaaradda Caafimaadka ayaa waxaa lagu sheegay in Cudurka saacadihii lasoo dhaafay laga helay 13 Qof, kadib markii baaritaano kala duwan lagu sameeyay.
Dadka laga helay Cudurka oo isugu jira 9 oo rag iyo 4 Dumar ayaa waxaa ay ku kala sugan yihiin Boorama7 iyo Caasimadda Somaliland ee Hargeysa oo ay joogaan 6 qof.
Wadarta Guud ee xanuunka deegaanada Somaliland laga helay waxaa ay gaartay 593 qof, halka Cudurka uu haayo 449 Ruux, sidoo kalena Bogsatay 117, isla markaana waxaa u geeriyootay 27.
Somaliland ayaa wada dadaalo kala duwan oo ku xakameyneyso faafida Cudurka COVID-19, waxaana Guddiga Maamulkaas u qaabilsan ka hortega Cudurka ay dadka ugu baaqeen inay qaatan tallooyinka Caafimaad ee loo jeedinayo.
