Mas’uul ka tirsanaa Somaliland oo geeriyooday iyo Muuse Biixi oo ka hadlay

Isbitaal ku yaalla Magaalada Hargeysa ee Caasimadda Somaliland ayaa habeenkii xalay aheyd ku geeriyootay Agaasimihii hore ee samafalka Madaxtooyada Somaliland Aamina Maxamuud Diiriye.

Maalmihii lasoo dhaafay ayaa waxaa la sheegay in Marxuumad Aamina Maxamuud ay ku xanuunsaneysay Isbitaalka, hayeeshee xalay ayey u geeriyootay, sida ay xaqiijiyeen qaar kamid ah Eheladeeda iyo Mas’uuliyiinta Somaliland.

Madaxweynaha Somaliland Muuse Biixi Cabdi ayaa ka hadlay geeridii ku timid Aamina Diiriye, wuxuuna tacsi u diray haween-weynaha deegaanada maamulka, qoyska, ehelada, qaraabada, asxaabta ay ka dhimatay Marxuumad Aamina.

“Waxa uu Madaxweynuhu si gaara uga tacsiyadaynayaa geerida marxuumada dhammaan haween-weynaha Somaliland kana mid ahayd haweenka uga faa’iideeyey wakhtigooda iyo aqoontooda, iyadoo muddo dheer ku soo dhex jirtay siyaasada iyo arrimaha bulshada, xilal kala duwana ka soo qabatay xukuumadihii kala danbeeyey” ayaa lagu soo kasoo baxay Xafiiska Madaxweyne Muuse Biixi.

Marxuumad Aamina Maxamuud Diiriye ayaa mar soo noqotay Agaasimaha Xafiiska Samafalka Madaxtooyada Somaliland, waxaana xalay ay ku geeriyootay Isbitaal ku yaalla Magaalada Hargeysa.