Madasha Xisbiyada Qaran oo ay hoggaamiyaan Madaxweynihii hore ee Soomaaliya ayaa Goordhow War kasoo saartay Doorashooyinka la filayo inay ka dhacaan dalka dhamaadka sanadkaan 2020/2021.
War-saxaafadeed kasoo baxay Madasha Xisbiyada ayaa waxaa lagu sheegay in Madaxda dowladda Federaalka Soomaaliya ay ku fashilmeen qabashada Doorasho Qof iyo Cod oo ku dhacda waqtigeeda heshiisna lagu yahay.
Sidoo kale Madasha ayaa Baarlamaanka ugu baaqday in aysan ansixin xeerarkii uu soo gudbiyay Guddigii wadajirka ahaa, ayna dalka iyo deegaanadabau horseedeyso qalalaase iyo degenaansho la’aan xalintiisu adkaato muddo dheer.
Madasha Xisbiyada Qaran ayaa ku baaqday in Shir Deg deg ah la isugu yimaado si looga tashado looguna heshiiyo nooca Doorasho ee dalka ka dhaceysa, inta aysan dhicin muddo xileedka Dastuurka ee Baarlamaanka Dalka.
Hoos ka Akhriso Qoraalka kasoo baxay Madasha Xisbiyada Qaran.