Maamulka Jubbaland oo Maanta lagu wareejiyay gaadiid badan

Wasaaradda amniga dowlad Goboleedka Jubbaland ayaa Maanta oo tallaado ah Hay’adda UNOPS ee Qaramada Midoobay kala wareegtay gaadiid loogu tala galay Hormarinta Ciidanka Booliska.

Agaasimaha guud ee Wasaaradda Amniga Jubbaland Nuur Shaafi Maxamed ayaa gaadiidka kala wareegay Wakiillo ka socday Hay’adda, isagoo intaas kadib la hadlay warbaahinta kula hadlay Magaalada Kismaayo.

Agaasime Nuur Shaafi ayaa waxaa uu marka horey sheegay in gaadiidka uu xiligaan u baahan yahay Maamulka, si uu ugu shaqeyo, isla markaana baahi ay ka jirtay dhinaca gaadiidka ee Ciidanka Booliska.

Hay’adda UNOPS ee Qaramada Midoobay ayuu u mahadceliyay Agaasimaha guud ee Wasaaradda amniga Jubbaland, isagoo sheegay in gaadiidkaas lagu qaban doono shaqadii loogu tala-galay.

Gaadiidkaan waxaa loogu tala galay in ay ku hawlgalaan ciidanka Booliska dowlad Goboleedka Jubbaland, iyagoo adeegsan doona xiliyada ay fuliyaan howlgalada lagu xaqiijiyo amniga deegaanada maamulkaas.