Maamulka Dhuusamareeb oo go’aan adag ka qaatay Dagaal beeleedyo ka dhacay Galgaduud

Maamulka Magaalada Dhuusamareeb ee Xarunta Maamulk Goboleedka  Galmudug ayaa go’aan adag ka qaatay beelo walaalo ah oo dhawaanahaaan ku dagaalaamyay degaanka Xananbuure ee Gobolka Galaduud.

Maamulka Dhuusamareeb iyo Maamulka Cadaado oo iskaashanaya ayaa Ciidanka dowladda iyo kuwa Galmudug eek u sugan deegaankaas, waxaa ay fareen in tallaabo laga qaado qofkii hub ku dhexqaata degaanka, maaddaama la xaliyay dagaalkii u dhexeeyay beelahaasi oo in mudda ah dirir xooggani y ku dhexmaraysay Xananbuure.

Colaadda u dhexaysa labada beelood ayaa ah mid kusoo noq noqotay degaanka, waxaana adkaatay in xal rasmi ah laga gaaro, inkastoo hadda la kala qaaday labada Melleyshiyo.

Degaanada Maamulka Galmudug ayaa waxaa ka dhaac mar waliba dagaalada u dhexeeya beelaha dega Gobolada Galgaduud iyo Mudug, waxaana dhawaan la xaliyay qaar ka mid ah dagaaladaas oo ahaa kuwo khasaare badan dhaliyay.