Maamulka Somaliland ayaa wada dadaadlo lagu xalinayo dagaal beeleed dhawaan ka dhacay deegaanka Fadhigaab ee Gobolka Sanaag, kaasi oo u dhexeeyay laba Maleeshiyo, waxaana ka dhashay Khasaaro kala duwan.
Deegaanka Fadhigaab ee hoostaga Degmada Ceel-afweyn ayaa waxaa gaaray wafdi uu hogaaminayo Wasiirka Arrimaha gudaha Somaliland Maxamed Kaahin Axmed, iyagoo halkaas u tegay sidii loo xalin lahaa Colaad halkaas ku dhexmartay laba beeleed.
Wasiir Maxamed Kaahin ayaa kulan la qaatay la qaatey gudida nabadaynta Degmada Ceel-afweyn ee Gobolka Sanaag, isla markaana kala hadla sidii loo joojin lahaa Colaadii ka dhacday Fadhigaab.
Sidoo kale Guddiga nabadeynta iyo Wasiirka ayaa iska xog-wareystay Khasaaraha ka dhashay dagaalkii ka dhacay Fadhigaab, waxaana labada dhinac loogu baaqay inay joojiyaan Colaada, isla markaana wax kasta oo jira lagu dhameeyo wada-hadal.
Deegaano hoostaga Degmada Ceel-afweyn ee Gobolka Sanaag ayaa waxaa dhowr jeer ka dhacay dagaal beeleedyo geystay Khasaarooyin kala duwan, kuwaasi oo salka ku haaya arrimo la xiriir dul-daaqsimeedyo iyo dilal aanooyin qabiil ah.
