Koonfur Galbeed oo War kasoo saartay shaqo joojinta Guddoomiyihii Wanla-weyn

Wasiir ku-xigeenka Wasaaradda arrimaha gudaha Dowladaha Hoose iyo dib u heshiisiinta dowlad Goboleedka Koonfur Galbeed Maxaad Maxamed Ciise ayaa shaqo joojin ku sameeyay Guddoomiya Degmada Wanla-weyn iyo Guddoomiye ku-xigeenka qorsheynta maamulkaas.

Wareegto kasoo baxday Xafiiska ku-xigeenka Wasiirka Arimaha gudaha Koonfur Galbeed ayaa waxaa lagu shaaciyay in shaqada looga joojiyay Maxamed Siidow C/raxmaan oo ahaa Guddoomiyihii Degmada Wanla-weyn iyo Guuddoomiye ku-xigeenka qorsheynta Nuur Axmed Nuur Baadiyow.

Wareegtada ayaa waxaa lagu xusay in shaqo joojinta Guddoomiye Maxamed Siidow ay timid, kadib markii ay soo jeediyeen Guddiga isku dhafka ee dowladda Federaalka iyo Koonfur Galbeed ee ku baxay Colaadii ka dhacday Degmada Wanla-weyn.

Xilka Guddoomiyaha Wanla-weyn ayaa waxaa siiheyn doona Guddoomiye ku-xigeenka mnaamulka iyo maaliyada Degmadaas Maxamed Cabdullaahi Cumar.

Hoos ka Akhriso Wareegtada shaqo joojinta.