Guddoomiye ku-xigeenada Cusub ee Gobolka Banaadir oo xilka la wareegay

Guddoomiyaha Gobolka Banaadir ahna Duqa Magalaada Muqdisho Cumar Maxamuud Maxamed (Cumar filish) ayaa Maanta Xilalka u kala wareejiyey Gudoomiye ku-xigeenada Cusub ee Gobolka Banaadir iyo Guddoomiye ku-xigeenadii hore iyo sidoo kale Xoghayaha guud ee Maamulka Gobolka Banaadir.

Munaasabadda oo ka dhacday Xarunta dowladda hoose ee Xamar ayaa waxaa ka qeyb galay Mas’uuliyiin kala duwan oo ka tirsan Maamulka Gobolka iyo qaar kamid ah Guddoomiyeyaasha degmooyinka Gobolka.

Guddoomiye ku-xigeenkii amniga iyo siyaasadda Gobolka Maxamed Cabdullaahi Tuulax ayaa sheegay in Guddoomiye ku-xigeenka Cusub ee amniga iyo siyaasadda Cali yare aysan wax farqi u dhexeeyn, isla markaana ay horey u soo wadashaqeeyeen.

Dhinaca kale waxaa Munaasabadda xilka wareejinta ka hadlay Guddoomiye ku-xigeenka amniga iyo siyaasadda Maamulka Gobolka Banaadir Cali yare, wuxuuna sheegay inuu qaban doono doono howlshii uu u rido Guddoomiyaha Gobolka.

Madaxweyne Maxamed Cabdullaahi Farmaajo ayaa maalmo kahor isbedel ku sameeyay Maamulka Gobolka, isla markaana xilalkii ka qaaday guddoomiye ku-xigeenadii Cumar Finish, isagoo kuwo Cusub magacaabay.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media