Guddoomiyaha Cusub ee Gobolka Shabeellaha hoose oo baaq u diray dhalinyarada ka tirsan Al-Shabaab

Guddoomiyaha dhawaan la magacaabay ee Gobolka Shabeellaha hoose ayaa ka hadlay arrimo dhowr ah oo ku aaddan xaaladaah Gobalka uu Guddoomiyaha ka yahay iyo sidoo kale qorsahe yaal kale oo maamulkiisu wado.

Guddoomiyaha Gobolka Shabeelaha Hoose Maxamed Cabdiraxiin Nuur oo wareysi bixiyay ayaa baaq u diray Dhallinyarada ka tirsan dagaalamaayasha Al-Shabaab ee ku dhuumaaleysanaya Gobolka, isagoo dhanka kale sheegay iney qaadayaan howlgal la isugu furi doono waddooyinka isku xira Gobolka.

Guddoomiyaha ayaa xusay in Maamulkiisa uu fursado shaqo siin doono dhallinyarada, ayna ku dadaalayaan shaqo abuurka dhallinyarada, si ay uga faa’iideystaan fursadaha uu Maamulka soo hordhigay.

Maxamed Cabdiraxiin Nuur Guddoomiyaha Gobolka Shabeelaha Hoose ayaa hoosta ka xariiqay in ay ka shaqeynayaan dib u soo nooleynta Kaabayaasha dhaqaalaha, ayna dhiiri gelinayaan Ganacsatada maalgashiga ka sameysaneyso Gobolka.

Sidoo kale Maxamed Cabdiraxiin Nuur Guddoomiyaha Gobolka Shabeelaha Hoose ayaa intaas ku daray in uu kulamo layeelan doono qaybaha kaal duwan ee Bulshada Gobolka, isagoo  sheegay in Isbaarooyinka degaanadaasi ay qaadi doonaan.