Iyadoo Madaxweynaha dowlad Goboleedka Koonfur Galbeed Soomaaliya Cabdicaiis Xasan Maxamed Lafta-gareen uu Guddoomiye Cusub u magacaabay Maamulka Gobolka Shabeellaha Hoose, ayaa waxaa ka hadlay Magacaabistaas Guddoomiyaha Gobolka Banaadir.
Cumar Maxamed maxamuud Cumur Filish Guddoomiyaha Gobolka Banaadir ayaa hambalyo u diray maamulka Cusub ee loo magacaabay Gobolkaasi, waxaana uu sheegay Cumar Filish in Maamulka gobolka Banaadir waxa uu marwalba diyaar u yahay xoojinta wadashaqeynta kala dhaxeysa maamulka gobolka Shabeelaha Hoose.
Hoos ka Aqriso Qoraalka uu soo saaray Cumar Filish
Anigoo ku hadlaayo magaceyga iyo kan maamulka gobolka Banaadir waxaan u Hambalyey naaya Guddoomiyaha cusub ee gobolka Shabeelaha Hoose Mudane Cabduqaadir Sheikh Maxamed Nuur (Siidii)
Gobolka Banaadir iyo Gobolka Shabeelaha Hoose waxaa ka dhaxeeya xiriir iskaashi iyo isdhaxgal bulsho oo aad u sareeysa, Maamulka gobolka Banaadir waxa uu marwalba diyaar u yahay xoojinta wadashaqeynta kala dhaxeysa maamulka gobolka Shabeelaha Hoose.
Ugu danbeyn waxaan u rajeynaaya Guddoomiyaha cusub ee gobolka Suabeelaha Hoose Mudane Cabduqaadir Sheikh Maxamed Nuur (Siidii) in uu ilaahey u fududeeyo mas’uuliyada culus ee loo igmaday.
