Dowladda Somalia oo Xogtii ugu dambeysay ee shidaalka dalka kusoo Bandhigtay Shirka Dubai

Iyadoo maanta lagu wado in Magaalda Dubai ee waddanka Imaaraatka Carabta lagu soo gebagabeeyo shirweynaha Todobaadka Shidaalka Afrika, ayaa dowladda Soomaaliya waxa ay sheegtay inay halkaas ku soo bandhigtay xogtii ugu dambaysay ee shidaalka la sheegay inuu ku jiro dalka.

Shirka Toddobaadka Shidaalka Afrika oo caadiyan lagu qabto waddanka Koonfur Afrika ayaa sannadkan loo wareejiyay magaalada Dubai, halkaas oo ay isugu tageen saraakiisha shidaalka ee dalalka Afrika, khubarada ku xeelka dheer arrimaha shidaalka iyo shirkadaha shidaalka soo saara. Taas oo sababtu tahay Karoona awgii.

Wefti ka socota dowladda Federaalka Soomaaliya ayaa shirkaas qayb ka ah, kaas oo soo bilawday isniintii, isla markaana Maanta oo khamiis ah lagu wado in lasoo gaba-gabeeyo.

Shirkan ayaa lagu soo bandhigaa khayraadka shidaal ee dalkaas kastaa haysto iyo qorshaha uu ka leeyahay.

Soomaaliya illaa iyo kontomaadkii ayaa la baadhaayey shidaalka ceegaaga dhulkeeda, weli se laguma guulaysan in la soo saaro.

Tiro shirkado ah oo kala duwan ayaa qayb ka ahaa baahistaas, sida oo kalena dawlado xiisaynayey in ay soo saaraan ayaa dhawr jeer soo muuqday, balse marna ma aysan hirgelin.