Dil ka dhacay Degmada Afgooye iyo faah faahin kasoo baxeysa

Warar dheeraad ah ayaa kasoo baxaya kooxo hubeysan oo gudaha Degmada Afgooye ee Gobolka Shabeellaha Hoose ku dilay Askari ka tirsanaa Ciidanka dowladda Federaalka.

Dilka ayaa waxaa uu ka dhacay Xaafad ka tirsan Afgooye, waxaana goobjoogyaal ay sheegeen in Askariga ka tirsanaa Ciidanka dowladda ay toogteen rag dhalinyaro ah oo ku hubeysnaa Bastoolado.

Intaas kadib ragii dilka geystay ayaa goobta ka baxsaday, waxaana goobta sida caadada aheyd tegay Ciidamo ka tirsan dowladda, kuwaasi oo halkaas ka qaaday Meydka Askariga la toogtay.

Warar la helayo ayaa sheegaya in Askariga la dilay uu ahaa mid caan ka ah gudaha Degmada Afgooye ee Gobolka Shabeellaha Hoose, isla markaana uu ka howlgeli jiray halkaas.

Degmada Afgooye ayaa waxaa xiliyada qaarkood ka dhaca dilal qorsheysan oo geystaan rag dhalinyaro ah oo ku hubeysan Bastoolado, waxaana inta badan dilalkaas sheegta Al-shabaab.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media