Dad hor leh oo ka bogsaday Cudurka COVID-19 ee Somalia

Wasaaradda caafimaadka xukuumadda federaalka Soomaaliya ayaa maanta xaqiijisay in dalka laga diiwaan geliyay 71 xaalado cusub oo COVID-19. Laba bukaan ayaa cudurka 24-kii saac ugu geeriyooday dalka

Wasiirka Caafimaadka iyo Daryeelka Bulshada XFS, Marwo Fowziya Abiikar Nuur ayaa warbixinta maalinlaha ah ee Feyruska Karoona waxay ku sheegtay in 52 kamid ah bukaannda cusub ay rag 19-na haween. 10 qofood oo cusub ayaa ka bogsooday xanuunka.

17 kamid ah bukaannada cusub waxaa laga diiwaan geliyay gobalka Banaadir, Jubbaland 46, Puntland 6 iyo Somaliland 2 bukaan ah.

Tirada xaaladaha COVID-19 ee wasaaradda caafimaadku ay dalka ka diiwaan gelisay ayaa gaartay 1,573, waxaa cudurka ka bogsooday 188 Ruux. 61 ruux oo kale ayaana u geeriyooday.

Dowladda ayaa wadda dadaallo xooggan oo looga hor tegayo, laguna xakameynayo faafitaanka Feryruska karoona, laguna yareynayo saameynta uu bulshada ku yeelanayo, waxaana dhaqan galay amarro dowladdu soo rogsay si loogu guuleysto qorshaha xakameynta iyo sare u qaadidda bed-qabka bulshada.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media