Ciidamo nabad illaalin ah oo ka socda Soomaaliya iyo Jabuuti oo loo dirayo dalka South Sudan

Sida lagu daabacay East African Dowladaha Soomaaliya iyo Jabuuti ayaa waxa ay Ciidamo Nabad ilaalin ah u dirayaan dalka Suudanka koonfureed oo xilligaan ay ka jiraan dhibaatooyin amni iyo dagaalo sokeeye.

Urur Goboleedka IGAD ayaa shaaca ka qaaday in Ciidamadaan ka socda labada dal ee Soomaaliya iyo Jabuuti ay adkeyn doonaan,isla markaana ilaalin doonaan heshiiskii dhawaan lagu gaaray dalka Sudan.

War-saxaafadeed ka soo baxay Urur goboleedka IGAD ayaa lagu sheegay in la isla gartay in howlgalka Nabad ilaalinta ee Suudan ay qeyb ka noqoto Soomaaliya oo ay wehlin doonto wadamada Uganda iyo Jabuuti.

Sidoo kale Warsaxaafadeedka ayaa lagu sheegay in IGAD ay Qaramada Midoobey weeydisan doonto taageere dhinaca dhaqaalaha ah oo loogu talo galay Ciidamadaas Nabad ilaalinta loo geynayo dalka Suudan.

Warkaan ka soo baxay IGAD ayaa daba socda kadib shirkii 12-kii Bishaan Magalada Adis Ababa ee Caasimadda dalka Itoobiya kaas oo looga hadlay dhibaatooyinka ka jira Suudanta Koonfureed.

Geba gabadii IGAD ayaa waxa ay ugu baaqday dhinacyaii heshiiska saxiixay inay ilaaliyaan,sidoo kalena guddi qiimeyn ah dhawaan loo dirir doono.

Si kastaab Soomaaliya ayaa waxaa xilligaan heysta dhibaatooyin dhinaca amniga ah,iyada oo aysan laheyn Ciidamo ku fulin,isla markaana Dowladda Soomaaliya ay dhinaca Amniga ka caawiyaan Ciidamo ka socda Midowga Afrika ee loo yaqaano AMISOM.