Ciidamo Hubaysan oo la wareegay Terminaalka Garoonka diyaaradaha Baladweyne

Warar dheeraad ah ayaa kasoo baxay Xiisad ka taagan Garoonka diyaaradaha magaalada Baladweyn ee xarunta  Gobolka Hiiraan, kadib markii ay Ciidamo hubaysan Garoonka Gudaha u galeen.

Ciidanka Hubeysan ee gudaha u galay Garoonka ayaa wararka qaar waxaa ay sheegayaan in ay ka amar qaataan madaxweyne kuxigeenka Hirshabelle Yusuf Dabageed.

Garoonka oo ay gacanta ku haysay Shirkad si gaar ah loo leeyahay oo lagu Magacaabo Whitestar,taasi dhistay Terminalka garoonka kadibna lagula heshiiyay in ay maamusho.

Shaqaalaha garoonka horay uga shaqeeyanayay ee Kambaniga maamulayay ayaa dhammaantood xafiisyadii dibadda looga saaray, waxaana haatan ku sugan Ciidamo hubeysan, sida ay sheegeen maamulka Whitestar.

“Xaalada ka socota garoonka Beledweyne oo aay ku dhaqmayaan Hirshabelle waa boob, sababtoo ah shalay ayaa si xoog loo xiray terminalka maantane si xoog ah ayaay u jabsadeen, ma joogaan shaqaalahena, waxaan bulshada ugu baaqayaa in laga hortago xoog sheegashada”ayuu yiri mid ka mid ah Mas’uuliyiinta Kambaniga.

Wali Booliska Hirshabeelle wali arrintaas kama hadlin, sidoo kale ma jirto cid ilaa iyo hadda arrintaasi u faragalisay, iyadoo Xiisaddu ay wali taagan tahay.