Ciidamada Booliska Soomaaliya ee ku sugan Maamul Goboleedka Galmudug ayaa la wareegay Kontoroollo ku yaallay Magaalada Matabaan ee Gobolka Hiiraan, waxaana gacanta ku haayay Kontorooladaas Malleyshiyaad isbaarooyin sharci darro ah ku haystay.
Ciidamo uu hoggaaminayo Taliyaha Booliska Sldhigga Guriceel Cismaan Cali Hudeey ayaa la wareegay goobahaas sida la sheegay , waxana Ciidanku ay ka yimaaden Degmada Guriceel ee Gobolka Galgaduud.
Malleyshiyaadka ku sugnaa Goobaha Ciidanku la wareegeen ayaa dhibaato ku haayay bulshada Degmada, waxaana ay inta badan dhibateyn jireen Gadiidka ku safra waddadaasi, iyagoo la sheegay in ay ka qaadi jireen lacago baad ah.
Waxaana tiro dhowr jeer ah cabasho ka muujiyay Wadayaasha gaadiidka ee ka shaqeeya inta u dhaxaysa Maamulada Hir-shabellee iyo Galmudug.