Madaxweynaha dowlad Goboleedka Hirshabeelle Cali Cabdullaahi Xuseen Guudlaawe oo weli ku sugan Magaalada Muqdisho ayaa galabta kulan la qaatay Wakiilka Midowga Africa u fadhiya Soomaaliya Ambasador Francisco Madeira.
Madaxweyne Cali Guudlaawe iyo Ambassador Madeira ayaa ka wada hadlay Amniga Guud ee Deegaanada Hirshabeelle, qorshaha la dagaalanka Al-shabaab iyo sidii loo sameyn lahaa howlgalo ka dhan ah Al-shabaab.
Inta uu socday kulanka labada Mas’uul ayaa waxaa looga arrinsaday Arrimaha Doorashooyinka dalka ka dhacaya, Saameeynta fatahaadaha Webiga Shabeelle uu u geystay, iyo doorka Midowga Afrika dhanka horumarinta.
Madaxweynaha Hirshabeelle Cali Cabdullaahi Xuseen Guudlaawe ayaa Francisco Madeira ka dalbaday in deegaanada Maamulka laga bilaabo howlgalo Al-shabaab looga saarayo halkaas, isla markaana laga wada shaqeyo amniga doorashada.
