Al-shabaab oo hub badan kala soo degtay deegaan ka tirsan Puntland

Wararka aan ka heleyno deegaan hoostega degmada Laasqoray ee Gobolka Sanaag ee dhinaca Puntland ayaa waxaa ay sheegayaan in saacadihii lasoo dhaafay halkaas uu Al-shabaab uga soo degay hub badan.

Hubka ayaa la sheegay in Al-shabaab uu uga soo degay xeebta deegaanka Durduri ee hoostega degmada Laasqoray, isla markaana hubka lagu keenay doon loo ekaysiiyay nooca kalluumeysiga, taasi oo la tilmaamay inay ka timid dalka Yemen.

Wararka ayaa intaas kusii daraya in hubkaas uu ahaa kuwa fudud ee gacanta lagu qaato, waxaana xubno ka tirsan Al-shabaab oo tegay xeebta ay kasoo qaadeen hubka, iyagoona la aaday dhinaca buuraleyda Calmadow oo ay ku xoogan yihiin.

Ilaa iyo hadda ma jiro wax war ah oo kasoo baxay Saraakiisha Ciidanka Puntland oo ku aadan hubka Al-shabaab uga  soo degay xeebta deegaanka Durduri ee hoostega degmada Laasqoray ee Gobolka Sanaag.

Xubno ka tirsan Al-shabaab ayaa ku sugan buuraleyda Calmadow, waxaana halkaas ay dagaalo khasaaro geystay ku dhexmareen Shabaabka iyo Ciidanka Daraawiishta Puntland, kadib markii ay weeraro ku qaadeen Saldhigyo ay lahaayeen.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media