Xukuumadda Federalka oo ka digtay Isbahaysiga Alshabaab iyo Daacish.

PM OMAR ABDIRASHID

Ra’isul-wasaare Omar Abdirashid Ali Sharmarke oo xalay Khudbad ka jeediyey Shirkii Gaarka ee Heerka Wasiir ee ay Xubnaha Golaha Ammaanka ee QM xalay ka yeesheen Arrimaha Dalalka Somalia iyo Burundi. Waxa uu ku baaqay in la soo af-jaro colaadaha ka aloosan dalka Yemen, si looga hortago inay Xarkadda Alshabaab ku biiraan Kooxda Daacish (IS).

Waxa uu intaasi ku daray in arrintaasi mar kale cabsi gelin doonto Somalia iyo dalalka Mandiqadda iyo in laga hortago inaysan Alshabaab taageero ka helin Daacish oo adeegsanayso Yemen

Ra’isul-wasaare Sharmaarke, waxa uu sheegay in aad loogu baahan tahay  inay Golaha Ammaanka ee QM la garab istaagaan Somalia taageero ballaaran oo aan horey loo arkin Hawlgalka lagula dagaalamayo Shabakadda Argagixisadda, waa sida uu hadalka u yiri.

Waxa uu soo dhaweeyey Taageeradda dhiiri-gelinta leh ee Beesha Caalamka si looga guuleysto Alshabaab, wuxuuse ku baaqay in la casriyeeyo Ciiddanka Somalia, si ay u dedejiyaan in laaga guuleysto Alshabaab, waa sida uu hadalka u yiri.

Dhinaca kale, Xoghayaha Arrimaha Dibedda ee dalka Britain, Philip Hammond oo shir-guddoominayey Kulankii xalay ee Golaha Ammaanka ee QM waxa uu sheegay inuu sannadka soo socdo ee 2016 noqonayo Sannadkii Khatarta ee Soo-kabashadda Somalia.

Ergayga Gaarka QM ugu qaabilsan Arrimaha dalka Somalia, Nicholas Kay ayaa isagana u sheegay xubnaha Golaha Ammaanka ee QM inay Somalia ka gudubtay Dowladda Fashilmay,  oo ay noqotay Dowlad Soo-kabanayso marka loo eego buu yiri Horumarka Siyaasadda iyo Ammaanka.

Philip Hammond

nicholas kay

© Radio Dalsan