Xog: Hoggaanka Sare ee Daacish oo ku amray Dagaalyahanadooda ku sugan Somalia inay weeraraan Madaxda  Alshabaab.

Qoraal ka soo baxay Xarunta dhexe ee Dowladda Islaamiga ee Daacish “ دولة تنظيم البغداديه  ” ee magaalladda Raqah ee dalka Syria ayaa waxa markii ugu horreysay shaaciyeen  inay jiraan Dagaalyahanno Ajaaniib ah oo u badan kuwo u dhashay dalka Moroko oo  ka goostay Xarakadda Alshabaab, kuwaasi oo Baayaco la galay Daacish, inkastoo aan tiradda Dagaalyahanadaasi  la shaacinin.

Dowladda Albaqdaadi ee Daacish waxay sheegtay inay Xarakadda Alshabaab oo Baayaco kula jira Hoggaamiyaha Alqaacida Ayman Alzawaahiri ay  qaadeen Olole ay ku xirayaan, kuna dilayaan Dagaalyahannadda taabacsan Daacish ee ku sugan gudaha dalka Somalia, waa sida hadalka loo dhigay.

Qoraalka Hoggaanka Daacish waxay ku sheegeen in Dadka la xiray, lana dilay ay ku jireen Culumaa’udiin iyo Taliyayaal taabacsan Daacish, waxaana la sheegay in Hawlgalkaasi loogu kala aabo yeelin dadka yaryar iyo dadka waa weyn ee taabacsan Daacish.

Qoraalka Daacish waxaa lagu soo bandhigay  magacyadda xubnaha ku biireen Daacish ee ay Xarakadda Alshabaab u xiran.

Dadka la carabaabay waxaa ka mid ah Aba Anas Almasri oo lagu xiray Degmadda Jamaame, xilli uu ka soo baxay Masjidka, kuna sii jeeday Gurigiisa, waxaana lala qabtay Aba C/raxmaan Almaqribi.

Shabakadda Wararka ee Hespress oo laga leeyahay dalka Moroko oo aan Warkan ka soo xiganay waxay kaloo shaacisay inay Xarakadda Alshabaab xireen Dagaalyahanno Ajaaniib ah oo taageeray Daacish, kuwaasi oo u kala dhashay dalalka Masar, Moroko, Malaysia iyo Sudan, balse aan la sheegin tirada Ajaaniibta ee Xarakadda Alshabaab xireen.

Dhinaca kale, Dowladda Daacish ee uu fadhigeeda dhexe yahay magaalladda Raqa ee dalka Syria waxay ugu baaqeen Dagaalamayaashooda ku sugan Somalia inay weeraro iyo qaraxyo la beegsadaan Hoggaamiyayaasha Alshabaab.

Baaqaasi ayaa waxa uu muujinaya inay Dowladda Daacish galangal xooggan ku dhex leeyihiin Dagaalamayaasha Shisheeyaha ee ka tirsanaa Xarakadda Alshabaab, balse sheegtay inay ku biireen Daacish.

LINKS: http://www.hespress.com/orbites/287415.html

© Radio Dalsan

Xigasho: HESPRESS.