Wufuud ku wajahan Jowhar si ay uga qeyb galaan Caleemo-Saarka Madaxweyne Waare

Maanta ayaa la filayaa in Magaalada Jowhar ee Xarunta Maamulka Hir-Shabeelle ay gaaraan wufuud kala duwan halkaas uu Maanta qorshuhu yahay in lagu Caleemo-Saaro Madaxweynaha Cusub ee Maamulkaas Maxamed Cabdi Waare.

Madaxda Maamul Goboleedyada, Siyaasiyiin qeybaha kala duwan ee Bulshada ayaa ka qeybgeli doono, iyo sidoo kale Xubno ka socda Beesha Caalamka.

Dhanka Xukuumadda Soomaliya Ra’iisul Wasaare kheyre, Xubno ka kala socda Golaha Wasiirada iyo Xildhibaano u badan kuwii laga soo doortay deegaanada Hir-Shabeelle ay Goobjoog ka noqon doona Xaflada Caleemo-Saarka.

Hadda waxaa Jowhar laga dareemayaa Diyaar Garoowgii u dambeeyay,iyada oo Gudaha Magaalada lagu arkayo Ciidamo farabadan oo ka tirsan kuwa dowladda Soomaaliya iyo kuwa AMISOM oo amniga xaqiijinaya.

Waxaa xoogaa la hakiyay dhaq dhaqaaqa Goobaha Ganacsi ee ka agdhow Xarunta Maamulka Gobolka iyo howlka Farjano oo ah halka ay Munaasabadda ka dhici doonto.

Masuuliyiin ka tirsan Maamulka Hir-Shabeelle ayaa Dalsan u xaqiijiyay in dhamaan Madaxda Maamul Goboleedyada ay imaan doonaan Jowhar,si ay uga qeyb galaan Munaasabadda Caleemo-Saarka