Weerar qarax ku bilaawday oo lagu qaaday Ciidamo ka tirsan Amisom

Wararka aan ka heleyno degmada Balcad ee Gobolka Shabeellaha dhexe ayaa waxa ay sheegayaan in Kolonyo ay la socdeen ciidamo ka tirsan Amisom lagu weeraray duleedka degmadaas gaar ahaan meel aan ka fogeyn tuulada Gololeey.

Weerarka ayaa ku bilaawday qarax miino oo wadada lagu aasay kaas oo qabsaday mid ka mid ah Gawaarida Amisom,waxaana xigay dagaal dhexmaray Ciidamada Amisom iyo raggii wadada u galay.

Khasaara kala duwan ayaa la sheegay in uu dagaalkaas ka dhashay walow ilaa iyo hada aan la ogeyn inta uu gaarsiisan yahay.

Masuuliyiinta Maamulka degmada Balcad ayaa la xiriirnay si aan waxa uga weeydiino balse kama jawaabin taleefoonadeena .