Weerar lagu qaaday Ciidamo ka tirsan dowladda Soomaaliya

Qarax Miinada Nooca dhulka lagu aaso ah ayaa lala eegtay Ciidamo ka tirsan dowladda Soomaaliya oo marayay qeybo kamid ah duleedka Magaalada Jowhar ee Xarunta Gobolka Shabeellaha Dhexe.

Qaraxaan ayaa waxaa lala eegtay Gaari ay la socdeen Ciidamo ka tirsan dowladda Soomaaliya kuwaas marayay deegaanka Kili-maseerow ee duleedka Magaalada jowhar.

Qof kamid ah dadka deegaanka oo la hadlay Radio Dalsan Xarunta Magaalada Jowhar ayaa sheegay in qaraxa kadib uu halkaasi ka bilaawday dagaal kooban oo dhex maray Ciidamada dowladda iyo Al-Shabaab waxaana weerarkaas ka dhashay khasaaro aan weli la shaacin.

Xiriir aan la sameynay Maamulka Magaalada jowhar iyo Saraakiisha ciidamada dowladda ayaanan noo suurtagelin si aan wax uga weeydiino weerarkaas.