Weerada ay Al-Shabaab ka fulinayaan Gudaha dalka Kenya oo si kordhaya

Al-Shabaab ayaa la sheegayaa inay macallin ku dileen, sidoo kalena macallin kale ay ku afduubteen weerar ay xalay ku qaadeen tuullada FAFI oo 90 km u jirta magaalada Gaarissa ee gobolka Waqooyi Bari Kenya.

Ragaan  ayaa sidoo kale weerarkaasi ku gubay dugsi halkaasi ku yaalla, sidoo kalena burburisay anteennooyin ay lahayd shirkadda isgaarsiinta ee Safaricom.

Warar dheeraad ah oo  ay deegaankaasi ka heshay Idaacadda Dalsan ayaa sheegaya in Al-Shabaab ay weerar ku qaadeen kolonyo ciimada amniga Kenya oo gurmad ahaan loogu diray deegaanka Fafi ee weerarku xalay ka dhacay.

Al-Shabaab ayaa la sheegayaa inay kolonyadaasi ka gubeen baabuur, iyadoo ay dhaawacmeen 3 askari, halka askari kalena ay afduubatay.