Wasiir Ducaale oo ku wajahan Kismaayo iyo Shir looga hadlayo amniga dalka oo ka furmaya

Maanta ayaa la filayaa in Magaalada Kisamayo ee Xarunta KMG,ka ah ee Maamulka Jubbalan uu ka furmo shir looga hadlayo arrimaha amniga guud aahan dalka Soomaaliya.

Shirkaan ayaa waxaa ka qeyb galaya Wasiirada dhanka amniga u qaabilsan Dowlad Goboleedyada iyo Dowladda dhexe ee Soomaaliya,waxana sidoo kale Maanta kismaayo tegaya Wasiirka Amniga Soomaliya Maxamed Abuukar Isloow Ducaale.

Sidoo kale shirka waxaa ka qeybgeli  doona Gudoomiye ku xigeenka dhanka Amniga ee Maamulka gobolka Banaadir,iyo msuuliyiin kale.

Agaasimaha guud ee Wasaaradda Amniga Soomaaliya ayaa sheegay in shirkaan oo muhiim u ah dalka uu rajeynayo in ay ka soo baxan arrimo wanaagsan oo dan u ah Shacabka soomaaliyeed.

Wararka aan Maanta Kismaayo ka heleyno ayaa waxa ay sheegayaan in ammaanka Kismaayo Maanta aad loo adkeeyay isla markaana Wadooyinka qaar lagu arkayo Ciidamada Jubbaland oo amniga xaqiijinaya.