(Warbixin):- Dowladda Kenya oo la sheegay inay Balaayiin Shillings ka macaashtay lacago ay xawileen rag Somali oo haatan ku xiran dalka Belgium

Warbixintii ugu dambeysay ee Guddiga QM ee Kormeerka Xayiraadda Hubka ee Somalia iyo Eritrea“The United Nations Monitoring Report on Somalia and Eritrea” ayaa waxaa su’aal la geliyey xiriirkii Dowladda Kenya kala dhexeeyey  Mohamed Abdullahi Maollim Aden “Tiiceey” iyo Mohamed Abdi Hassan “Afweyne”, kuwaasi  oo haatan ku xiran dalka Belgium, kadib, markii lagu helay inay taageeri jireen Hawlgalladda Burcad-baddeeda ka qowleysata Badda Somalia.

Warbixinta Guddigaasi, ayaa lagu muujiyey inay Kenya gabaad u tahay Dembiilayasha, halkaasi oo ay Saraakiisha si sahlan ugu fudueeeyaan Xawaaladda Lacagaha, Sharciyeynta  Ganacsiga iyo arrimaha kale.

Warbixinta ayaa lagu muujiyey inay Malaayiin amaba xitaa Balaayiin Kenya Shillings oo ka timid Burcad-baddeeda soo gashay dalka Kenya, loona adeegsaday Shirkadaha Diyaaradaha, Gaadiidka la soo dejiyo, Kalluumeysiga iyo Qeybta Tamarta iyo xitaa in lagu taageeray Falalka dembiyadda iyo Tahriibinta Hubka.

Sidoo kale, Ganacsato Kenyan ah ayaa la sheegay inay weli ku hawlgalaan inay weli ku shaqeeyaan Ilo dhaqaale oo xiriir la leh Qabqablayaasha Burcad-baddeeda Soomaalida.

Warbiixnta QM, ayaa lagu muujiyey in Mohamed Abdullahi Maollim Aden “Tiiceey” iyo Mohamed Abdi Hassan “Afweyne”  ay ganacsi ku lahaayeen gudaha Kenya, kuwaasi oo tan iyo bishii October 12-dii ee sannadkii hore  dhex yurura Xabsi ku yaalla dalka Belgium.

Boliska dalka Belgium ayaa qabtay labadaasi nin, markii ay yimaadeen magaalladda Brissels.

Afweyne iyo Tiiceey ayaa la sheegay in lagu hayo baaritaan la xiriira afduubkii Markabka POMPEII oo laga leeyahay dalka Belgium oo sannadkii 2009-kii lagu qafaashay Badda Somalia.

Warbiixnta ayaa lagu sheegay inaysan kala caddayn inay Dowladda Kenya marnaba baaritaan ku samaysay labadaasi nin wax dembiyo oo ay galeen.

Warbixinta u dambeysay ee   Guddiga QM ee Kormeerka Xayiraadda Hubka ee Somalia iyo Eritrea“The United Nations Monitoring Report on Somalia and Eritrea” ayaa lagu sheegay in ay Tiiceey iyo Afweyne shan sanno ka hor Balaayiin Kenya Shillings ku maalgashteen Shirkad Diyaarad oo lagu magacaabo Central Air Aviation, taasi oo u kala duuli jirtey Garoonka Diyaaradaha ee Wilson Airport ee magaalladda Nairobi, Somalia  iyo Caasimadda dalka Kasargistaan ee Bishkeek.

Warbixinta waxa lagu muujiyey inay Ganacsatadaasi ku raaxaysteen Bii’adda Xasaanadda ee ay ku haystaan dalalka Kenya, Somalia iyo Kasargistaan, waaxana u suurto-gashay inay  maalgashtaan Ganacsiyo cusub, inay ka macaashaan Duullimaadyadda, Teknoolajiyadda iyo qeybaha kale.

Afweyne ayaa la sheegay inuu qorsheynayey sannadkii 2012-kii  inuu Diyaarad ka soo iibsado Wasaaradda Gaashaandhigga ee dalka Kasargistaan, wuxuuna Diyaarado ka kireystay Shan Shirkaddo Diyaaradeed oo Kenyan ah oo ka shaqeyn jirey Garoonka Wilsan Airport ee magaalladda Nairobi.

Warbixinta waxa lagu sheegay in xarigii Afweyne aysan joojinin hawlihii uu ku jiray, iyadoo ay Shirkadda Diyaaradaha ee Central Air Aviation  weli ka hawlgalaan gudaha Kenya iyo meelo kale.

Warbixinta ayaa lagu sheegay inay Afweyne saaxiibadiisa qorsheeyeen inay afduubtaan Muwaadin u dhashay dalka Belgium, si ay ugu gorgortamaan in lagu sii daayo Afweyne.

Dhinaca kale, Warbixinta ayaa lagu muujiyey in Mohamed Abdullahi Maollim Aden “Tiiceey” oo haysta Dhalashadda dalka Maraykanka uu kaalin ku lahaa Dembiyadaasi, isla markaana uu Dhexdhexaadin ka geli jirey Maraakiibta iyo Badmaaxiinta ay burcad-baddeeda qafaashaan.

Waxaa kaloo la sheegay inuu Tiiceey kaalin firfircoon ka qaatay Qandaraaskii uu Dowladda Kenya kula galay wada-xaajoodka lala yeeshay Burcad-baddeedii afduubatay Markabkii MV Faina ee Taangiyadda T 72 u waday Milliteriga Kenya bsihii September ee sannadkii 2008-dii.

Warbixinta ayaa lagu sheegay in inta badan La-haystayaasha laga soo dhoofin jirey Garoon Diyaaradeed oo gaar loo leeyahay oo ku yaalla Cadaado.

Xigasho:- The Satandard Media.