Ciidamada Booliiska Maamulka Soomaaliland ayaa Xabsiga dhigay tiro dhalinyaro ah iyo Waalidiintooda kuwaas oo Shaqaaqo rabshado dhaliyay ka sameeyay Xaafado ka tirsan Magaalada Hargeysa.
Dhalinyaradaan oo degan Xaafadaha Cabaaye iyo Daami ee la xir xiray ayaa bilaabay in ay sitoos ah u wada dagaalamaan taas oo keentay in laba ka mid ah dhalinyaradii ay geeriyoodaan.
Xiisadii ayaa weli ka taagan Magaalada Hargeysa,waxaana Xabsiga ku jira tiro dhalinyaro ah iyo Waalidiintooda oo ay ciidamadu xireen si rabshaduhu u istaagaan.
Saraakiil iyo Ciidamo ka tirsan kuwa Booliiska Soomaaliland ayaa haatan ku sugan Xaafadihi lagu dagaalamay ee Cabaaye iyo Daami ee Magaalada Hargeysa si aysan dib usoo laaban dagaalka dhexmaray dhalinyarada kala degan Xaafadahaas.
