Hay’adda QM ugu qaabilsan Horumarinta Barnaamijyadda ee UNDP ayaa codsatay in loogu yabooho lacag dhan 46 million oo Dollar oo loo adeegsanayo Barnaamij looga wacyi-gelinayo Dhallinyarradda Somalia iyo kuwa dalalka kale ee Afrika inaysan ku biirin Kooxaha loogu yeero Xag-jirayaasha ee ka hawlgala gudaha Qaaradda Afrika.
Hadal-qoraal oo ay Hay’adda UNDP soo saartay ayaa lagu muujiyey in Kharajkaasi loo adeegsanayo Mashruuc soconayo 4 sanno oo wax looga qabanayo arrimaha asaaska u ah inay Dhallinyaradda ku biiraan Kooxaha loogu yeero Xag-jirka, sida saboolnimadda iyo shaqo la’aanta
Mashruucaasi Dhaqan-celinta iyo Shaqo-abuurista waxay Hay’adad UNDP kala shaqeyn doona Dowladaha, Hoggaamiyayaasha Diinta, Ciiddanka Boliska iyo Dadweynaha ku nool dalalka ay Dhallinyarradda ugu badan ku biiraan Kooxaha loogu yeero Xag-jirayaasha.
Dhinaca kale, Hay’adda UNDP waxay qoraalkeeda ku sheegtay inay Kooxaha loogu yeero Xag-jirayaasha afartii sanno ee la so odhaafay qaadeen in ka badan 4,000 oo weerar oo ay ku dileen ugu yaraan 21,000 oo qof oo ku nool dalalka Qaaradda Afrika.
© Radio Dalsan
