Ugu Yaraan 13-qof oo ku geeriyootay qarax ismiidaamin ah

Saraakiisha Ammaanka ayaa sheegay in dabley ka tirsan Maleeshiyadda Daalibaan uu isku qarxiyeen kolonyo ay la socdeen Askar ka tirsan Milliteriga dalkaasi, kuwaasi oo xilligaasi marayey Suuq ku yaalla Degmadda Nawa ee Gobalka Helmand.

Omar Zawak o oah Afhayeenka Guddoomiyaha Gobalka Helmand ayaa u sheegay Wakaalladda Wararka AFP inay Askar iyo dad rayid ah ku geeriyoodeen Qaraxaasi, iyadoo Tobaneeyo kalena ku dhaawacmeen.

Ilo dhinaca Caafimaadka ayaa iyagana u sheegay in maydadka 15-qof iyo dhawaca 19-kale la dhigay Isbitaal u dhow goobta uu Qaraxu ka dhacay

Dhinaca kale, Ururka Daalibaan ayaa ku sheegtay mas’uuliyadda qaraxaasi Farriin WhatsApp ah oo ay u direen Suxufiyiinta