Uganda oo Hawlgalka AMISOM ku xoojinayso Helikoptaro

Milliteriga Uganda ayaa qorsheynayo inay Diyaarado Helikopterradda hubeysan u soo daad-gureeyaan Somalia, si loogu xoojiyo Hawlgalladda AMISOM ee ka dhanka ah Dagaalamayaasha Alshabaab oo iyagu saddexdii toddobaad ee la soo dhaafay kordhiyey hawlgaladooda ka dhanka ah AMISOM.

Afhayeenka Ciiddanka Uganda, G/sare Paddy Ankunda ayaa u sheegay WargeyskaThe Daily Monitor  inay Diyaaradahaasi dhinaca cirka ka taageeri doonaan Ciiddanka Uganda ee lagu wado in loo daad-gureeyo Bartamaha iyo K/bari ee Somalia.

“Waxaan keliya oo kuu xaqiijin karaa inaan ku jirno dadaalka sidii diyaaradahaasi u daad-gureyno, si ay u taaheeraan hawlgalladda ciiddankeenna jooga Somalia” ayuu yiri Afhayeenka, oo ka gaabsaday inuu sheego tiradda diyaaradaha iyo xilliga ay ku soo wajan yihiin Somalia.

Hadalkiisa ayaa waxa uu soo baxay dhowr toddobaad kadib, markii uu Waregys qoray in ay Milliteriga Uganda ee qeybta ka ah Hawlgalka AMISOM ay diyaaradaha dagaalka ee Sukhoi  laguna farsameeyo dalka Raashiya u aadeegsadaan weeraradda xilliyadda habeenkii lagu duqeyo Fariisimadda Alshabaab.