Taliska Xoogga dalka ee G/Gedo oo sheegay in ay dileen Saraakiil ka tirsan Al-Shabaab

Taliska Xoogga dalka Soomaaliya ee gobolka Gedo ayaa sheegay in dagaal Saacadihii la soo dhaafay qeybo k mid ah gobolka Gedo ku dhexmaray Ciidanka dowladda iyo kuwa Al-Shabaab lagu dilay Saraakiil ka tirsan Al-Shabaab

C/raxmaan Ibraahim Maxamad Taliyaha Ururka  48-aad ee Ciidanka Xoogga Dalka Soomaaliyeed qeybta Gobolka Gedo ayaa sheegay in intii dagaalkaas socday ay ciidamadu ku guuleesteen in ay dilan Saraakiil ka tirsan Al-Shabaab sida uu hadalka u dhigay.

Waxaa uu tilmaamay in dagalkaas ay sidoo kale kula wareegeen deegaano ay horay ugu sugnaayeen Al-Shabaab kuwas oo ku yaalla duleedka degmada haatana ay ku sugan yihiin Ciidamada xoogga dalka Soomaaliya.

Ciidamada Kenya ayaa maalmihii u dambeeyay wxa ay wadeen dhaqdhaqaaqyo ay uga baxayeen deegaano iyo degmooyin ka tirsan gobolka Gedo.