Shaqaalaha Kenyanka ee dhisayey Derbiga Xuduudka Somalia oo mushaar la’aan ka cabanaya

Saraakiisha Adeegga Dhallinyarada Kenya ee NYS ee loo dadaad-gureeyey si ay u dhisaan Derbiga Ammaanka ee Xuduudka Kenya la wadaagaan Somalia ayaa dalbaday in la siiyo Mushaarkooda oo dhan 350 million oo Shillinka Kenya.

In ka badan 500 shaqaale oo ka soo jeeda Webiga TANA RIVER ayaa sheegtay inaysan wax mushaar ah helin muddo 18-bilood ah.

Shaqaalahaasi oo laga kala keenay Saldhigyo kala duwan si ay u dhisaan Derbigaasi oo ay Dowladda Kenya sheegtay inay kaga hor tagayaan sidii loo joojin lahaa Dagaalamayaasha Alshabaab ee u gudba Xuduudka Kenya, si ay Howlgallo uga fuliyaan.

Sarkaal ka mid ah Shaqaalaha dhisayo Debiga oo codsaday inaan magaciisa la shaacinin ayaa sheegay inuu la yaaban yahay sababaha ay muddada dheer u qaadatay in la siiyo Mushaarkooda, wuxuuna hoosta ka xariiqay inay Noloshooda khatar u geliyeen si ay u dhisaan Derbigaas.

Waxa kale oo uu xusay inay ka baqanayaan in Lacagta Mushaarkooda la xaday ama la is-daba mariyey.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media