Sawirro:-Guddiga Gurmadka fatahaadaha oo lacag ku wareejiyey Maamulka Jubbaland

Guddiga Gurmadka qaran ee fatahaadaha oo shalay gaaray Magalada kismaayo ee Xarunta gobolka Jubbada Hoose ayaa ugu dambeyn waxa ay Maanta Guddiga gurmadka Dowlad goboleedka Jubaland ku warejiyeen lacag loogu talo galay dad uu saameeyey fatahaada Wabiga ee deegaanada Jubbaland.

Guddiga Gurmadka qaran ee fatahaadaha ayaa Jubbaland ku wareejiyey lacag dhan (labo boqol iyo konton kun oo doolar ) 250,000$,lacagtaas oo wax loogu qaban doono dadka uu saameeyey fatahaada Wabiga ee k u nool deegaanada Dowlad goboleedka Jubbaland.

Goobta Wareejinta lacagtaas ayaa waxaa ku sugnaa Wasiirka Arrimaha Gudaha Soomaaliya Cabdi Maxamed Sabriye iyo Wasiirka Gaadiidka iyo duulista Maxamed Cabdullaahi Salaad Oomaar,iyaga oo ku  wareejiyey Madaxweyne ku xigeenka labaad ee Jubbaland Cabdulqaadir Xaaji Luga-dheere oo ka mid ah xubnaha Guddiga Gurmadka Jubbaland.

Wasiirka Gaadiidka iyo duulista Maxamed Cabdullaahi Salaad Oomaar ayaa sharaxay dhibaatooyinka uu sababay fatahaada Wabiga iyo roobabkii ka da’ay deegaanada Jubaland iyo lacagta ay maanta ku wareejiyeen Guddiga gurmadka Jubbaland.

Sikastaba Guddiga Gurmadka Fatahaadaha ee dowladda ayaa horay waxa uu lacag ugu wareejiyey Maamulka Hir-Shabeelle taas oo uu bixiyey Maamulka Gobolka Banaadir.