Sawirro:-Dowladda Turkiga oo Diyaarad Ambalaas ah soo diraysa Dadkii ku dhaawacmay qaraxii ka dhacay Muqdisho

Afhayeenka Madaxtooyadda dalka Turkiga, Ibraahim Kaliin ayaa maanta sheegay inay soo diri doonaan Diyaarad Milliteri opo Ambalaas ah, si dadka dhaawacmay daawayn caafimaad loogu soo qaadi lahaa  dalka Turkiga.

Hadal-qoraal oo uu soo dhigay Bartiisa Twitter-ka  ayuu ku sheegay inuu Madaxweyne Rajab Dayib Erdogan amar ku bixiyey in loo diro Somalia Diyaaradaas iyo in Adeeg Caafimaad lagu caawiyo Isbitaalladda Muqdisho.

Dhinaca kale, Dowladda Turkiga waxay horey u cambaaraysay Qaraxaasi ay dadka badan ku geeriyoodeen, kuna dhaawaceen.

Hadal qoraal oo ka soo baxay Wasaaradda Arrimaha Dibedda Turkiga ayaa lagu sheegay inay DFS ka taageeri doonaan Adkeynta Ammaanka, waxayna u tacsideeyeen Qoysaska ay dadka kaga geeriyoodeen Qaraxii shalay ka dhacay Isgoyska Zoope ee magaalladda Muqdisho.