Sawirro:-Danjire Jamaal Barrow oo warqadihiisa aqoonsiga safiirnimo u gudbiyay Madaxweynaha Zimbabwe

Madaxweynaha Dalka Zimbabwe Emmerson Dambudzo Mnangagwa ayaa warqadaha aqonsiga safiirnimo ka guddoomay Danjiraha Soomaaliya ee K/Afrika iyo wadamada Afrika qaarkood Ambassador Jamaal Maxamed Barrow,kadib munaasabada ka dhacday magaalada Harare ee xarunta Dalkaasi.

Danjire Jamaal Barrow ayaa Emmerson Dambudzo Mnangagwa madaxweynaah Zimbabawe u gudbiyay salaam uu uga siday madaxweynaah Jamhuuriyadda Soomaaliya mudane Maxamed C/llaahi Farmaajo,wuxuuna muujiyay sida Soomaaliya ay diyaarka ugu tahay xoojinta xiriirka labada dal ka dhexeeya,iyo wax wada qabsi oo dhexmara shacabka labada dal.

Sidoo kale madaxweynaha Zimbabwe Emmerson Dambudzo Mnangagwa ayaa Danjire Jamaal Barrow ugu soo dhiibay salaam diiran u soo diray madaxweynaha Soomaaliya mudane Maxamed C/llaahi Farmaajo,isagoo ku ammaanay dowladda Soomaaliya guulaha ay ka gaartay amnig iyo horumarada kale.

Intii lagu guda jiray munaasabadda guddoonka warqadahaasi aqoosniga safiirnimo,labada dhinac waxaa ay ka wada hadleen kor u qaadista iskaashi dhexmara labada dal,iyadoo sidoo kale danjire Jamaal Barrow uu la kulmay saraakiil sar sare oo ka tirsan Zimbabwe.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media