Ciidamada Booliska Gaarka ah ee Maamulka Koonfur Galbeed oo fariisinka ku leh Degmada Bardaale ee Gobolka Baay ayaa Maanta waxaa ay howlgalo ka sameeyeen inta u dhaxaysa Magaalooyinka Baydhabo iyo Bardaale iyo deegaanada hoos yimaada.
Howlgalkaan ayaa aha mid lagu baadi goobayo rag ka tirsan Al shabab oo ku sugan deegaanada hoos yimaada degmada Bardaale ee Gobolka Baay sida ay sheegeen Saraakiisha holgalka hogaamineysa.
Taliyaha Ciidamada Howlgalada Ee Degmada Bardaale Madguud Macalin ayaa sheegay in howlgaladaan ay mudooyinkii danbe ay ka wadeen deeganada hoos yimada Degmada Bardaale, isla mrkaana ay yihiin kuwo mniga lagu xaqiijinayo.
Waxa uu sheegay sidoo kale in maalin walba ay howlgallo ay ka socdaan degmada Bardaale iyo agagaarkeeda,isla markaana Ciidamada Xoogga Dalka Soomaaliya iyo kuwa Koonfur Galbeed habeen iyo Maalin ay u taagan yihiin sidii deegaanada hoos yimada degmada Bardaale looga saari lahaa Al-Shabaab.
Hoos Ka Daawo Sawirrada howlgalka ay sameeyeen Ciidamada.