Sarkaal Maraykan oo ka digay Qorshaha Daacish ay ku qabsan doonaan Somalia iyo dalalka kale ee Afrika.

Taliye-xigeenka Hawlgalladda Dagaalka ee Taliska Ciiddanka Maraykanka ka jooga Qaaradda Afrika (U.S. Africa Command), Admiral-xigeen Michael Franken ayaa hadalkaasi ku sheegay Wareysi uu siiyey Idaacadda VOA-da, isagoo ku sugan Xarumaha Taliskaasi ee  Africom headquarters ku leeyihiin magaalladda Stuttgart ee dalka Jarmalka.

Sarkaalkaasi waxa uu tilmaamay inuu  Kooxda Daacish qorshahooda dheer ugu  jiro inay ku faafaan, isla markaana ay Dagaalyahanno ku yeeshaan laga soo bilaabo dalka Nigeria ilaa Somalia.

Waxa uu tilmaamay inay Dagaalyahanno Daacish ku sugan yihiin gudaha Somalia, kuwaasi oo uu tiradooda ku sheegay 20 dagaalyahan.

“Wax muhiim ma aha tiradaasi, waxayna Daacish haysanin Taageeradda Xarakadda Alshabaab” ayuu yiri Sarkaalkaasi, wuxuuna intaasi ku daray inay Alshabaab weerareen xubnaha taabacsan Alshabaab, si aysan Awoodda Daacish saamayn ugu yeelanin gudaha Somalia.

Labaataneeyo Dagaalyahanno ayaa waxay dabayaaqadii bishii October ee sannadkan ku dhawaaqeen inay daacad u yihiin Hoggaamiyaha Daacish, Sheekh Abu Bakar Albaqdaadi.

Taliska Xarakadda Alshabaab waxay dileen Taliyayaal taageerKooxda Daacish, waxaana ka mid ahaa Sheikh Hussien Abdi Geeddi, Sheekh Bashiir Abu Nucmaan iyo kuwo kale.

ISISDhinaca kale, Taliye-xigeenka Hawlgalladda Dagaalka ee Taliska Ciiddanka Maraykanka ka jooga Qaaradda Afrika (U.S. Africa Command), Admiral-xigeen Michael Franken waxa uu Wareysigiisa ku sheegay inay sii kordheen Tiradda Dagaalyahano taageersan Kooxda Daacish ee ku sugan  gudaha dalka Libya, kuwaasi oo ka soo kala jeedo dhowr dal.

Waxa uu xusay inay Dagaalamayaashaasi bishii Feberaayo ee sannadkan ahaayeen 200-dagaalan oo keliya, balse, ay haatan  tiradooda gaartay ku-dhawaad 2,000 oo Dagaalyahano, kuwaasi oo ku sugan gudaha iyo daafaha magaalladda Sirte ee dalka Libya.

© Radio Dalsan