Fariisimo Ciidamo ka tirsan Al-Shabaab ay ku leeyihiin deegaanka Cali Fooldheere ee Gobolka Shabeellaha Dhexe,waxana weerarkaas ka dhashay khasaaro isugu jira dhimasho iyo dhaawac.
Masuuliyiint Maamulka degmada Mahadaay ayaa waxa ay Dalsan u sheegeen in weerarkaas ay fuliyeen Ciidamada sida gaarka ah u tababaran ee dowladda Soomaliya oo garab ka helaya ciidamada caawiya Soomaaliya ee Mareykanka.
Weerarkaas oo ku bilaawday duqeyn ayaa waxa ay maamulku sheegeen in lagu dilay Sarkaal ka tirsan Al-Shabaab halka Saddex kale ay ku dhaawacmeen weerarkas,kuwaas oo ay u qaadeen deegaanka fiidoow,oo ah inta u dhaxeysa Hiiraan iyo Shabeellaha Dhexe.
Al-Shabaab ayaa dhankooda Barta Internet-ka waxa ay ku soo qoreen in ay iska difaaceen weerar kaga yimid xulufada dowladda Soomaaliya ay hoggaamiso islamarkaana ay ku dileen tiro ka tirsan ciidamadii soo weeraray