Saraakiisha Ciidamada Danab oo sheegay in ay howlgal ku dileen Saraakiil Al-Shabaab ah

Ciidamada kumaandooska soomaaliya oo ay wehliyaan ciidamo mareykan ah ayaa galabta howlgal qorsheysan ka fuliyay degaanka tooratorow oo Al-shabaab ku lahayeen saldhigyo.

Cutubyo ka tirsan ciidamada Danab oo ay wehliyaan ciidamo Mareykan ayaa bartilmaameed ka dhigtay saldhigyo Maleyshiyada Al-shabaab ku lahayeen degaanka tooratorow halkaasi oo ay ku sugnayeen horjogayaal iyo maleyshiyaad ka tirsan Al-shabaab

Saraakiil ka tirsan ciidanka Danab ayaa Idaacada ciidamada qalabka sida u sheegay in howlgalka uu ahaa mid qorsheysan isla markaasi ciidamada ay ka werareyn degaanka tooratorow labo jiho

Saraakiisha danab waxa ay xaqiijiyeen in howlgalka lagu dilay labo horjooge oo ay magacyadooda ku sheegeen Faarax Cali Xuseen (Faarax Kalar) iyo Maxamed cumar iyo maleyshiyaad ka tirsan nabadiidka Al-shabaab

Tirada Maleyshiyaadka lagu dilay howlgalka waxa ay saraakiisha danab tirahaan ay gaarayaan ilaa iyo Tobon dagaalame

Labada horjooge ee lagu dilay howlgalka ayaa Nabadiidka Al-shabaab u haayay jagooyinka kala ah Faarax Cali Xuseen (Faarax Kalar) oo ahaa Horjogihii Al-shabaab u qaabilsanaa wacyigelinta shabellaha hoose

Halka horjoogaha kale ee la dilay Maxamed cumar uu ahaa Amniyaadka dilalka qorsheysan ka fuliya shabellaha hoose iyo Muqdisho

Ugu dambeytii saraakiisha ciidamada danab waxa ay xuseyn dhawaan ay gobolka shabellaha hoose soo gaareyn labada horjooge ayna ka warhayeen mudooyinkaan dambe

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media