Magaalada Kismaayo ee Xarunta KMG,ka ah ee Maamul goboleedka Soomaaliyeed ee Jubbaland waxaa Maanta gaaray wafdi uu hoggaaminayo Safiirka Britain u fadhiya Soomaaliya David Concar.
Markii Safiirka uu tegay Maagalada Kismaayo waxaa soo dahweyn ballaarn u sameeyay Masuuliyiin ka tirsan Maamulka Jubbaland oo ku sugnaa Garoonka Diyaaradaha Magaalada Kismaayo ee Xarunta Gobolka Jubbada Hoose.
Madaxweynaha Jubbaland iyo Safiirka Britain u fadhiya Soomaaliya David Concar ayaa waxa ay dhagax dhigeen Xarun lagu tababari doono ciidamada Nabad-Sugida Maamulka Jubbaland
Garoonka Diyaaradaha ayuu haatan kulamo kula leeyahay Masuuliyiin uu ka mid yahay Madaxweynaha dowlad Goboleedka Jubbaland Axmed Maxamed Islaam(Axmed Madoobe) iyaga oo ka wada hadlaya qodobo ay ka mid yihiin dowladda Ingiriiska oo horay u balan qaaday in ay dhiseyso Xarumo ay ku Shaqeyn doonaan Golaha Wsiirada Maamulkaas.
Sidoo kale waxa ay ka wada hadlayaan sidii dowladda Ingiriiska ay Maamulka Jubbaland uga gacansiin laheyd dagaalka ay kula jiraan Al-Shabaab iyo taageerada ay siinayaan.
Shirka ayaa iminka ka socda Gudaha Airpot ka Kismaayo,iyada oo ammaanka Maanta si aad ah loo adkeeyay.
