Dowladda Sacuudiga ayaa sheegtay inay Liiska Argagixisadda ku dartay Hoggaamiyaha Xuutiyiinta Yemen, C/maalik Al-xuuti iyo 40 Sarkaal oo la shaqeysa.
Liiska waxaa kaloo ku jira Madaxa Golaha Siyaasadda Xuutiyiinta, Saalax Al-samad iyo Gacan-yarayaal kale.
Dowladda Sacuudiga waxay Hoggaamiyha Xuutiyiinta iyo 40-Sarkaal dul dhigtay lacag dhan ilaa 30-million oo Dollar.
Kharajkaasi ayaa la sheegay in la siin doono qof kasta oo keenta Warbixin horseedi karta in la soo xiro Hoggaamiyaha Xuutiyiinta iyo Saraakiisha kale.
Dowladda Sacuudiga ayaa Abaalmarinta Lacageed oo dhan 30 million oo Dollar ku dhawaaqday, kadib, markii la burburiyey Gantaal ay Maleeshiyadda Xuutiyiinta la maaganaayeen Garoonka Caalamiga ee Diyaaradaha ee King Khalid oo ku taalla caasimadda Sacuudiga ee Riyadh.
Gantaalkaasi Balaastikada ah ee ay Xuutiyiinta adegsadeen ayaa lagu magacaabaa Borkan H2,wuxuuna wax ka dili karaa masaafo dhan 800 oo KM.
Duqeyntaasi kadib, waxay Diyaaradaha Isbahaysiga Sacuudiga qaadeen Labaatameeyo weerar oo ay la beegsadeen Xarumaha Xuutiyiinta ku leeyihiin caasimadda dalka Yemen ee Sanca iyo magaalladda Sacda.
Dhismayaasha sida xooggan loo duqeeyey waxaa ka mid ah Dhismaha Wasaaradaha Gaashaandhiga, Gudaha iyo Golaha Ammaanka Qaranka ee Xuutiyiinta.
Dhinaca kale, Isbahaysiga Milliteri ee Sacuudiga waxay ku dhawaaqeen inay wada xireen dhamaan Xuduudaha Badda, Dhulka iyo Cirka ee dalka Yemen.
