QM oo War ka soo saartay Muwaadin Somali oo magaciisa looga been aabuurtay Is-qarxin ka dhacday Puntland

Kooxda Baarayaasha QM ee Cunaqabataynta hubka ee saaran dalalka Somalia iyo Eritrea (The Monitoring Group on Somalia and Eritrea) waxay ka laabteen Warbixintii sumadeedu ahaa (S/2014/726) ee ay soo saareen bishii October 13-dii ee sannadkii 2014-kii, kaasi oo ay kaga been abuurteen Muwaadin Somali oo lagu magacaabo Mohamed Abukar Zubeyr, kuna tilmaameen inuu ahaa Ninkii  bishii August 4-dii ee sannadkii 2014-kii isku qarxiyey Saldhigga Dhexe ee Boliska ee magaalladda Bosaaso.

Kooxda Baarayaasha QM ee Cunaqabataynta saaran dalalka Somalia iyo Eritrea waxay Warbixintooda qaldan ku soo bandhigeen Baasaboor uu lahaa Muwaadinka Soomaaliga ee ay kaga been abuurteen oo ay ku lifaaqeen xog-beenaad ay Shaqsiyaad isku sheega Suxufiyiin u gudbiyeen.

Baarayaasha QM waxay 2 sanno kadib garwaaqsadeen inay ka been sheegeen Muwaadinka Soomaalida ee ay ku tilmaameen inuu ahaa Ninkii isku qarxiyey magaalladda Bosaaso.

Sida lagu faafiyey Websaytka Khaaska ee QM ee www.un.org, waxay xubnaha Golaha Ammaanka ee QM (The Security Council Committee) ka heleen Xiriiriyaha Kooxda QM ee Cunaqabataynta Hubka ee saaran Somalia iyo Eritrea Warbixin cusub oo ay ku sheegeen inuusan Muwaadinka Soomaalida ee lagu magacaabo Mohamed Abukar Zubeyr ahayn ninkii geystay Is-qarxintii ka dhacday Bosaaso bishii August ee sannadkii 2014-kii.

13643947_1150008171688401_1105481689_n