Orod-yahanka Somali British, Mo Farah ayaa beeniyey inuu isticmaalo Daawooyinka murqaha dhisa, iyadoo waayadan la sheegayey inuusan labo jeer marin baaritaanadda Ciyaartoyda looga baarayo inay isticmaaleen Daroogooyin.
Waxa uu Facebook soo dhigay isbuucan inuusan marnaba isticmaalin daroogo, isla markaana uusan dib u isticmaali doonin.
Waxa uu intaasi ku daray inuu boqolaal jireen iska baaray Daroogadda, iyadoo had iyo jeer loo sheegayey inuu nadiif ka yahay.
Waxa kaloo uu faahfaahiyey labadii jeer ee uu ka baaqday Baaritaanka, wuxuuna xusay inaysan jirin wax codsi iyo inay maqnaasnhiisa yihiin qaladaad fudud.
Mo Farah waxa uu horey ugu guuleystay Billadaha Orodada 5,000 meter iyo 10,000 meter.
Orodyahanka oo 32 jir ah waxaa uu haatan ku sugan yahay Degmadda Romeu ee dalka Faransiiska, waxaana la socda Tababarihiisa cusub oo lagu magacaabo Barry Fudge oo ka tirsan Ciyaaraha Fudud ee dalka Britain.
Tababare Barry Fudge waxa uu tilmaamay inuu Orod-yahanku yahay nin niyad fiican leh, isla markaana uu nadiif ka yahay isticmaalka Draoogadda.
Tababarihiisii hore, Alberto Salazar oo u dhashay dalka Maraykanka ayaa horey loogu eedeeyey inuu Daroogo isticmaalo, inkastoo uu beeniyey arrintaasi.
Orod-yahan Mo Farah waxa uu haatan tababar orod ah ku qaadanayaa dhulka buuraleyda ee Font-Romeu, isagoo isku diyaarinayo Kulanka The Monoco Diamond League oo bisha soo socota la qaban doono.
Xigasho:- The Mirror
Waxaa turjumay: Ustaad Nuradin Abokor Ahmed
